• २०७७ जेष्ठ २३, शुक्रबार
  • |
  • Friday 5th June 2020
  • कस्ता ब्वाइफ्रेण्ड, कस्ता गर्ल्फ्रेण्ड ?

    ७ बैशाख २०७४, बिहीबार २०:५१

    महिला र पुरुष बीच साथी हुने वा बन्ने चलन समाजमा युगौयुगदेखि चल्दै आएको छ । हिन्दुधर्म ग्रन्थहरुमा पनि यसका बारेमा अनेकौ कथाहरु पढ्न पाइन्छ । जस्तै: राधा र कृष्ण बीचको सम्बन्ध ‘गर्ल्फ्रेण्ड’ र ‘ब्वाइफ्रेण्ड’ सम्मको मात्रै हो । किनकि राधाको कृष्णसँग बिवाह नभएर मिरासँग भयो तर पनि उनिहरुको मित्रतामा आँच आएन । उनीहरुको त्यो मित्रता आजसम्म अत्यन्तै सशक्त रुपमा लिने गरिन्छ ।  मित्रताका विशेषताहरु उमेर अनुसारका दौतरीहरुमा निर्भर हुनसक्दछ । संगसंगै खेल्दा, पढ्दा, सामाजिक गतिविधिमा सहभागी हुँदा, घुमफिर गर्दा आदि अवस्थाले मित्रता कायम हुनसक्दछ । आज भोलीको सूचना प्रविधिको सहजताका कारण इन्टरनेट मार्फत पृथ्वीको कुनैपनि कुनाबाट पनि मित्रता कायम गर्न सम्भव भएको छ ।

    किशोरावस्थाको शुरुवातसँगै विपरित लिङ्ग बीचको आकर्षण हुन थाले पछि ब्वाइफ्रेण्ड र गर्लफ्रेण्डको धारणा बन्न थालेको हुन्छ । असल मित्रता कायम राख्न उनीहरु बीच एकआपसमा बुझ्ने, राम्रा कुराहरुका बारेमा खोजी गर्ने, आ—आफ्ना राम्रा पक्षहरु प्रस्तुत गर्ने लगायत एकले अर्कालइ आकर्षित गर्ने अनेकौ उपायहरु अवलम्बन गर्दछन । परिवारको असल संस्कारमा हुर्किएका किशोरकिशोरीहरुले असल मित्रताको सम्भावनालाइ पहिला खोजी गर्छन र सहयोगी भएर प्रस्तुत भएका हुन्छन । हाम्रो समाजमा चेतानाका हिसावले अझैपनि पछौटेपन देखिनु, लैङ्गिक विकासको हिसाबले पुरुषहरुमा पुरुषत्वको दम्भ खोजिनु र यौन शिक्षाको हिसावले बन्द समाजका कारण यौन सम्बन्धी अनेकौं भ्रमहरु अझैपनि व्याप्तछन । यसको प्रभाव किशोरकिशोरीहरुमा पनि पर्ने हुँदा गर्ल्फ्रेण्ड र ब्वाइफ्रेण्ड सम्बन्धी अधिकांश मानिसहरुमा भ्रमहरु ब्यापक पाइन्छ ।

    केटा र केटी बीच साथी बन्दैमा प्रेमी र प्रेमिका नै भइने हो ? अनि डेटिङमा पनि जानै पर्ने हो ?

    केटा र केटी बीच आपसमा मित्रताको शुरुवात भएसंगै प्रेम सम्बन्धी अनेकौं स्वच्छन्द किसिमका सपना बुन्नथाल्नु र कुराकानीको थालनी गर्नु पनि अस्वभाविक होइन । त्यसैले पनि उनिहरुको मित्रता नजिक हुँदै जाँदा एक आपसमा मायाँप्रिती गाँसिनु र क्रमश: एकआपसका भावनाहरु साटासाट गर्ने माध्यमको रुपमा कतै डेटिङ जानुलाइ सामाजिक जीवनको सामान्य मित्रताको रुपमा लिनु पर्दछ ।

    एकआपसको मित्रता असल बन्दै गयो भने त्यसले जीवनलाइ सार्थक बनाउँन सक्दछ । असल मित्रताका लागि एकअर्कामा असल सोंच र व्यवहारको आवश्यकता पर्दछ । असल मित्रता गाँस्नु भगाडि एकअर्काको हरेक पक्षका बारेमा (व्यवहार र सोचाइ) गहिरोसँग बुझ्नु पर्दछ र आ-आफ्ना भावनाहरु आदानप्रदान भएको हुनुपर्दछ ।

     ब्वाइफ्रेण्ड वा गर्ल्फ्रेण्ड कस्तो हुनुपर्छ ?

    • विपरित लिङ्ग बीच असल साथी हुनु भन्दा पहिलो चरणमै एकआपसमा अन्तर व्यक्ति सञ्चारको स्पष्ट सम्बन्ध कायम भएको हुनुपर्दछ । जसले असल मित्रतामा पुग्ने वा नपुग्ने भन्ने निर्णय लिन सिकन्छ । अन्यथा त्यो सामान्य मित्रता मात्र हुन्छ, जुन अन्य मानिसहरुसँग पनि हुन्छ । असल मित्रता भविश्यको सामान्य सामाजिक जीवनको अर्को चरण हो । जसका लागि विभन्न व्यवहारहरु अपनाउँन आवश्यक छ । जस्तै:
      • केटाले केटीसाथीसँग र केटीले केटा साथीसँग एक आपसका राम्रा र सुधार गर्नपर्ने कुराहरु सोध्ने, भनेका कुराहरुलाइ ध्यानपूर्वक सुन्ने, सकारात्मक तरिकाले लिने र व्यवहारमा परिवर्तन गर्दैजाने ।
      • भविश्यका लागि लक्ष निर्धारण गर्ने र त्यसका बारेमा आपसमा छलफल चलाउँने । आआफ्नो व्यक्तित्व विकास गर्ने योजना बनाउँने र त्यसका लागि एकआपसमा सहयोग गर्ने । जस्तै पढाइ, सामाजिक सेवा, खेलकुद वा कुनै किसिमको सीप वा कला इत्यादि ।
      • एकआपसका मिल्दाजुल्दा कुराहरुलाइ मात्र होइन भिन्नताहरुलाइ पनि दुबैले ‍स्वीकार्ने (खराब अचरण बाहेक)। जस्तै: खाने कुरा, रङ्गको छनौट, कपडा, खेल, गीत, संगीत, कुनै पनि किसिमको अपाङ्ता, कम बोल्ने वा बोलिरहन मनलाग्ने इत्यादि ।
    • एकआपसमा हुने खुलस्त बोलिचालीले मित्रतालाइ लामो समयसम्म टिकाउँदछ । राम्रो बोलीचलीले राम्रो मित्रता कायम हुन्छ भन्ने कुरालाइ सधैं हेक्का राख्ने । आपसमा खुलेर कुरा गर्दा नै आपसमा शंका रहदैन जसले गर्दा मित्रतालाइ नजिक बनाउँन मद्दत मिल्दछ ।

    मित्रता र प्रेममा भिन्नता

    मित्रता प्रेम सम्बन्ध
    • आफ्नो भावनाहरु आदानप्रदान गर्न सहज हुने किसिमका व्यक्तिहरुसँग मित्रता हुन्छ । त्यसकारण त्यस्ता केटाहरु (ब्वाइफ्रेण्डहरु) र केटीहरु (गर्ल्फ्रेण्डहरु) हुन्छन । ब्वाइफ्रेण्डहरु र गर्लफ्रेण्डहरु एक भन्दा धेरै पनि हुन सक्दछन ।
    • ब्वाइ फ्रेण्ड र गर्लफ्रेण्डको सम्बन्धबाट अगाडी बढेर प्रेमसम्बन्धमा पुगेको अवस्थामा प्रेमी वा प्रेमिका भएका हुन्छन । प्रयजसो मानिस प्रेमी वा प्रेमिका विवाह गर्ने उद्द्श्यले बनेका हुन्छन । त्यसैले यो सम्बन्ध दुइजना बीचमा मात्र हुनुपर्ने मान्यता राखिएको हुन्छ । तर पनि बिवाह हुनै पर्छ भन्ने मान्यता भ्रम हो ।
    • मित्रता दुइ जना वा सामुहिकर रुपमा पनि हुनसक्दछ ।
    • प्रेम सम्बन्ध प्रायजसो दुइ व्यक्ति बीचमा हुन्छ ।
    • समान विचचार, भावनात्मक रुपमा नजिक, मिल्दोजुल्दो इच्छा तथा चाहना र सहकार्यका आधारमा मित्रता बन्छ । मित्रतामा मैत्रीपूर्ण व्यवहारहरु हुन्छन । छुट्टिनु वा पूनर्मिलन हुनु स्वभाविक हुनसक्दछ ।
    • प्रेमको अर्थ लगाउँनै गाह्रो हुनेहुनाले प्रेम गर्नु वा प्रेममा पर्नुको अर्थ पनि कुनै तर्कसंगत नहुन सक्दछ । एकले अर्कोलाइ गुमाउँनु पर्दा कसैलाइ तनाव सिर्जना हुन पनि सक्दछ । त्यसैले प्रेम सम्बन्ध राख्नु पूर्व धेरै पक्षबाट सोचेर मात्र निर्णयमा पुग्नु पर्दछ ।
    • मित्रहरु विस्तार हुँदै र मित्रता बढ्दै जान्छ, विभिन्न सन्दर्भमा विभन्न मानिसहरुसँग सम्बन्ध हुन्छ ।कतिपय छुट्दै पनि गइरहेको हुन्छ । मित्रता छुट्दैमा  एक्लो महशुस धेरै हुँदैन ।
    • प्रेमी प्रेमिकामा एकआपसमा गहिरो सम्बन्ध हुनेहुनाले एकअर्काको ख्याल पनि गरिरहेको हुन्छन । सम्बन्ध टुटेमा धेरै मानिसहरु एक्लो भइने कुरामा सधै गम्भिर भइरहेका हुन्छन ।

     

    तपाइको मत
  • भिडियो सामाग्री